Maršruts Reiga-Zylupe

Veirīts politelena maisenī īaijuojs 2L ola, pa šaltei tū kautri īmalkoi. Nescafe bundžeņā drūši nūglobuoti kotleti ar malnuos maizis ryku. Ruodīs jam pruots nasās iz sarunu, caru ni ar mani.

Simpātisks čaleits – tik jauki jam puorsleidiet ar najaušu skatīni, kurš, ak vai, tik naveikli aizkerās i sveicynoi jū ar mulsu smaidu. Jis izkuopa pieturā pyrms mani.

Veirs ar dzeivis izvoguotu seju, apsarmuojušim motim, pīvārtim plakstenim, apgaruotā mīra snauž. Ja myusim būtu saruna, jis vīdi ļautu runuot man, reti papyldynūt ar truopeigu skatīni.