Rudiņs zīdeņi

karl-fredrickson-38901 (2)

Muna volūda – nalela sūma.
Divim kukuleišim i vīnai golvai.
Cyti sapierk vysu iz nedeli,
A mes kotru dīnu iz veikalu.
Muna volūda palīk boltuoka.
Vairuok kriejuma līkom zupā.
Redzieju kai mozeņš bierneņš
Īlyka karūti i čajā.
Muna volūda – vairuok nikas.
Ar sovu kači es taidā runoju.
Kod sirdei palīk pavysam solts
Es ar taidu cepli kurynoju.

***

Vakar nūlasieju sovu Nobeļa lekceju.
Publika nasaprota nivīna vuorda.
Vīns aizkūde ar šprotim, ūtrs ar persiku,
A meitinis tai i naizleida uorā nu muorka.
Vardivis jau daroda pi itim čudikim.
Reit svinēsim Baļzaka dzimšonys dīnu.
Taurini jau nasabeist nu skaļuos muzykys.
A peilem to kas – reit juos liduos iz Kīnu

/Valentīns Lukaševičs/